थाहानगर/३ चैत्र

नेकपा एमाले थाहा नगर कमिटीका अध्यक्ष सुरेन्द्रमान प्रधान र सचिव सुजन कुमार रायमाझीलाई थाहा नगरस्थित अर्चना बाबाधाममा स्वागत गरिएको छ ।

३ चैत्रमा झमेश्वरीस्थित धाममा पूजापाठसहित अध्यक्ष प्रधान र सचिव रायमाझीलाई बधाई दिदै धामका अध्यक्ष तथा पुजारी बालकृष्ण लामिछाने, सचिव राजाराम रायमाझीलगायतले खादा टीकाले स्वागत गर्नुभयो ।

धामका समस्याहरु समेत सुनाउदै आवश्यक सहयोग गर्न उहाँहरुले अपिल गर्नुभयो । अध्यक्ष प्रधानले अर्चना बाबाधाम धार्मिक पर्यटकीय गन्तव्य बन्न सकिने बताउदै आवश्यक निकायहरुमा एमालेले पहल गर्ने आश्वासन दिनुभयो ।