काठमाडौं/१२ असार
काठमाडौंको रविभवनमा मोटरसाइकल दुर्घटना हुँदा चालकको मृत्यु भएको छ ।

बा ०२-०३० प ६३६२ नम्बरको मोटरसाइकल दुर्घटना हुँदा मकवानपुरको थाहा नगरपालिका ७ का राजु दुतराजको मृत्यु भएको प्रहरीले जनाएको छ । दुतराजको उपचारको क्रममा मृत्यु भएको हो ।

दुतराजले चलाएको मोटरसाइकल अनियन्त्रित भएर दुई वटा बसमा ठोक्किएको थियो । अनुसन्धानका लागि दुई वटै बसका चालकलाई नियन्त्रणमा लिएको प्रहरीले जनाएको छ ।