थाहानगर/२७ वैशाख
आगामी वैशाख ३० गते हुने स्थानीय तहको निर्वाचनको मतगणना पालुङ बहुमुखी क्याम्पस परिसरमा हुने भएको छ ।

मंगलबार प्रमुख जिल्ला अधिकारी भरतमणी पाण्डेसहितको सर्वदलीय बैठकले मतगणना स्थल परिवर्तन गर्दै क्याम्पस परिसरमा गर्ने निर्णय गरेको हो ।

यस अघि पालुङ जेसीस सभाहलमा मतगणना गर्ने तय भएको थियो । तर, निर्वाचन सम्पन्न भएको ५ दिनभित्र सबै वडाको मतपरिणाम ल्याउनका लागि ३-४ समुहमा गणना गर्न आवश्यक देखिएपछि सुरक्षाको दृष्टिकोणले स्थान परिवर्तन गरिएको निर्वाचन अधिकृतको कार्यालयले जनाएको छ ।

थाहानगरमा कुल ३२ हजार ३०७ मतदाता रहेकोमा करिव २५ हजार मतदाताले मतदान गर्ने प्रक्षेपण छ ।