थाहानगर/२५ चैत्र
नेकपा एमालेले आशन्न स्थानीय निर्वाचनका लागि थाहा नगरपालिकामा प्रमुख र उपप्रमुखको टुङ्गो आज लगाउदैछ ।

अहिले नगर पार्टी कार्यालय थानाबजारमा आकांक्षीहरुबीच छलफल भैरहेको नगर उपसचिव सुजन कुमार रायमाझीले बताए ।

नगर प्रमुखका लागि अच्युत्तम प्रसाद ढकाल, बिमल कुमार ढकाल, शशीधर सुवेदी, बलराम थापा, सुरेन्द्रमान प्रधान र बिष्णु प्रसाद ढकालले उम्मेदवारी दर्ता गरेका छन् । यसैगरी उपप्रमुखका लागि रिता सिं ठकुरी, चमेली वाइवा, सुनिता दोङ, कल्पना बलामी र तुलसा विष्टले आकांक्षा देखाएका छन् । 

उम्मेदवारहरु अहिले आन्तरिक छलफलमा जुटेका छन् । एमालेको केन्द्रीय सर्कुलर अनुसार प्रमुख पदमा कम्तिमा एक महिला अनिवार्यसहित बढीमा ३ जनाको नाम सिफारिस गर्नु पर्नेछ ।