हेटौंडा/७ फागुन
इन्द्रसरोबर गाउँपालिका–२, कुलेखानीमा सवारी दुर्घटना हुँदा दुईजना घाइते भएका छन् ।

इलाका प्रहरी कार्यालय भीमफेदीका अनुसार काठमाडौंबाट हेटौंडातर्फ आउँदै गरेको कुखुरा बोक्ने सवारी सडकबाट तल खसेको हो । 

प्रहरीका अनुसार प्रदेश २–०३–००१ च ५४४ नम्बरको कुखुरा बोक्ने सवारी अनियन्त्रित भएर सडकबाट तल खसेको थियो । दुर्घटनामा घाइते हुनेको नाम खुलिसकेको छैन । 

प्रहरीका अनुसार दुर्घटनामा करिब १७ र २२ वर्षीया महिलाको टाउकोमा चोट लागेको छ । उनीहरुलाई उपचारका लागि काठमाडौं पठाइएको छ । सवारी चालक प्रहरी निन्त्रणमा रहेको र उनको स्वास्थ्य अवस्था समान्य रहेको प्रहरीले जनाएको छ ।