थाहानगर/१७ कात्तिक
बाराबाट प्रहरीले १२ किलो गाँजासहित ३ जनालाई पक्राउ गरेको छ । 

प्रहरीले मकवानपुरको राक्सिराङ गाउँपालिका–२ बस्ने २३ वर्षीय सुमन रुम्बा, २० वर्षीय बिजय थिङ र १९ वर्षीय अखिल मोक्तानलाई पक्राउ गरेको हो ।

इलाका प्रहरी कार्यालय जीतपुर बाराबाट खटिएको प्रहरी टोलीले उनीहरुलाई गएराति गाँजासहित पक्राउ गरेको हो ।

जीतपुर सिमरा उपमहानगरपालिका–७ स्थित टेढा रोडमा उभिएका उनीहरुको झोला चेकजाँच गर्दा गाँजा फेला परेको जिल्ला प्रहरी कार्यालय बाराले जनाएको छ ।