धादिङ/२ भदौ
नौविसे—नागढुङ्गा सडक खण्डको सिस्नेखोलामा सुरुङ मार्ग नजिक सडक माथिबाट खसेको पहिरोको कारण यातायात अवरुद्ध भएको छ ।  

नागढुंगा–सिस्नेखोला सुरुङमार्ग निर्माणका क्रममा सडक फराकिलो बनाउन डाँडा काटिएकै स्थानमा पहिरो झर्दा बुधबार विहानदेखि यातायात अवरुद्ध भएको हो । 

सडक अवरुद्ध भएपछि काठमाडौं प्रवेशका लागि तराईलगायत विभिन्न जिल्लाबाट गएका सवारीसाधन अलपत्र छन् ।

सडक खुलाउने प्रयास भइरहे पनि पहिरो ठूलो भएकाले मुस्किल परेको नागढुङ्गा ट्राफिकले जनाएको छ । 
तस्वीर: कमल विष्ट