तनहुँ/२५ साउन
लागूऔषध मुद्दाका फरार प्रतिवादी आबुखैरेनी गाउँपालिका २ एक्लेफाँट बस्ने २६ वर्षीय आशिष रामदामलाई आइतबार प्रहरीले पक्राउ गरेको छ । 

जिल्ला अदालत तनहुँको २०७६ साउन १ गतेको फैसलाले लागूऔषध मुद्दामा २६ दिन कैद र २ हजार २ सय रुपियाँ जरिवाना ठहर भई फरार रहेका उनलाई प्रहरीले पक्राउ गरेको हो । 

उनलाई फैसला कार्यान्वयनका लागि जिल्ला अदालत तनहुँमा दाखिला गरिएको जिल्ला प्रहरी कार्यालय तनहुँले जनाएको छ ।