थाहानगर/१३ माघ

पालुङ जेसीज बर्ष २०२४ का पदाधिकरीहरुलाई जिम्मेवारीवोध तालिम प्रदान गरिएको छ । 

सो तालिम यो वर्षको पहिलो कार्यक्रम हो । पालुङ जेसीज बर्ष २०२४ का अध्यक्ष निरज रायमाझीको अध्यक्षतामा भएको तालिममा पालुङ जेसीज बर्ष २०१९ का अध्यक्ष कुमार नेगीले प्रशिक्षण दिनुभएको थियो ।

तालिममा पालुङ जेसीज बर्ष २०२४ का निर्वाचित तथा मनोनित पदाधिकारीहरुलाई आफ्नो काम, कर्तव्य र जिम्मेवारीका बारेमा प्रशिक्षक नेगीले प्रशिक्षण दिनु भएको हो । 

तालिममा बर्ष २०२४ का अध्यक्ष, कार्यकारिणी उपाध्यक्ष, उपाध्यक्ष, महासचिव, कोषाध्यक्ष, कानुनी सल्लाहकारलगायतका पदाधिकारी र कार्यक्रम संयोजकहरुको सहभागिता रहेको महासचिव बिक्रम गोपालीले जानकारी दिनुभयो ।

पालुङ जेसीजका संस्थापक अध्यक्ष पुरुषोत्तम ढकालको प्रमुख आतिथ्यतामा भएको कार्यक्रममा निवर्तमान अध्यक्ष संगम कार्की, पूर्व अध्यक्षहरु सुरेन्द्रमान प्रधान, नवराज लामा, जयराम खत्रीको आतिथ्यता रहेको थियो ।