जनकपुर/२८ जेठ
धनुषामा पोखरीमा डुबेर पाँच जना बालिकाको मृत्यु भएको छभने दुई जना बेपत्ता भएका छन् ।

मुखियापट्टी मुसहरनीया गाउँपालिकाको बहेडाडावेला र तुल्सीयाहीको बिचमा रहेको पोखरीमा पौडी खेल्ने क्रममा १० देखि १३ वर्ष सम्मका पाँच जना बालिकाको डुबेर मृत्यु भएको जिल्ला प्रहरी कार्यालय धनुषाका प्रहरी उपरीक्षक प्रकाश रानाभाटले जानकारी दिनुभयो । 

पोखरीबाट ५ जनाको शव निकालिए पनि दुई जनाको खोजी भइरहेको बताइएको छ । 

पोखरीमा डुबेर मृत्यु हुनेमा १२ वर्षीया लक्ष्मीनिया यादव, १० वर्षीया चन्दा कुमारी भगत, १३ वर्षीया अन्जु पुर्वे, १२ वर्षीया चाँदनी ठाकुर र १२ वर्षीया ललीता साह तेली रहेका छन् ।